Нукусга илк электробуслар етказиб берилди

Тошкент, Ўзбекистон (UzDaily.uz) — Нукус шаҳрида жамоат транспорти тизимини ривожлантириш мақсадида «Sapsan Trans Nukus» корхонаси томонидан Хитойдан умумий қиймати 24 миллиард сўм бўлган 12 та электробус шаҳарга етказиб берилди, деб хабар беради Қорақалпоғистон Республикаси Жўқорғи Кенгеси.

Мамлакат президенти топшириғига мувофиқ, Қорақалпоғистон пойтахтига жами 200 та автобус етказиб бериш режалаштирилган. Айни пайтда шаҳар автопаркини тўлдириш учун ихтисослаштирилган автотранспорт воситаларини харид қилиш ва етказиб бериш бўйича ишлар олиб борилмоқда.

Шунингдек, «Sapsan Trans Nukus» томонидан 200 та транспорт воситасига мўлжалланган янги автобус парки қурилиши амалга оширилмоқда, бу шаҳар ичидаги ташишлар самарадорлиги ва қулайлигини сезиларли даражада ошириш имконини беради.