Тошкент, Ўзбекистон (UzDaily.uz) — 2024 йил 1 декабрь куни Нукусда (Қорақалпоғистон) россиялик журналист ва блогер Алексей Пивоваров ҳамда ўзбекистонлик журналист Ферида Маҳсетова қўлга олинди.

Қорақалпоғистон Ахборот ва оммавий коммуникациялар агентлиги ҳудудий бошқармасининг маълумотига кўра, дастлабки текширувлар натижасида хорижий журналистлар Ўзбекистон Республикаси Ташқи ишлар вазирлигидан олдиндан аккредитация олмасдан касбий фаолият олиб боришгани аниқланган.

Бу ҳолат қонунчиликни бузиш сифатида баҳоланмоқда.

Алексей Пивоваров ушбу вазиятга Телеграм-каналида изоҳ берди: "Ички ишлар ходимлари бизни суҳбатга таклиф қилишди. Суҳбатда ўзимиз ва режалармиз ҳақида гапириб бердик. Ходимлар одобли ва хушмуомала эдилар. Ҳозир биз йўлимизни давом эттирмоқдамиз."

Маълум қилинишича, суратга олиш гуруҳи томонидан Қорақалпоғистон ҳақида олинган барча материаллар мусодара қилинган.

Журналистлар Тошкентга учиб кетишди.