Нодирбек Абдусатторов Жаҳон шахмат чемпионатида Ўзбекистон учун бронза медалини қўлга киритди

Тошкент, Ўзбекистон (UzDaily.uz) —  Ўзбек гроссмейстери Нодирбек Абдусатторов шахмат бўйича жаҳон чемпионатида бронза медалини қўлга киритди.

Учинчи ўрин учун баҳсда у немис шахматчиси Винсент Кеймерни 2,5:1,5 ҳисобида ишончли тарзда мағлуб этди ва 40 000 доллар миқдорида мукофот пулига сазовор бўлди.

Ушбу ғалаба Абдусатторовга 2027 йилда ўтадиган Freestyle форматидаги шахмат бўйича жаҳон чемпионатида иштирок этиш ҳуқуқини ҳам кафолатлади.