Наманган вилоятида Арашан кўли атрофида 1 миллион сайёҳга мўлжалланган туристик мажмуа барпо этилади

Тошкент, Ўзбекистон (UzDaily.uz) — Наманган вилоятида йирик туристик лойиҳа – Арашан кўли атрофида янги мажмуа қурилиши режалаштирилган. Бу ҳақда Ўзбекистон Президенти Шавкат Мирзиёев ҳудуднинг ижтимоий-иқтисодий ривожланишига бағишланган йиғилишда маълум қилди.

Давлат раҳбарининг таъкидлашича, туристик мажмуа Поп тумани ҳудудида 1 200 гектар майдонда жойлаштирилади ва йилига бир миллионгача сайёҳни қабул қилиш имкониятига эга бўлади.

Президент шунингдек, туризм соҳасида йирик лойиҳаларни амалга ошириш учун зарур бўлган малакали кадрларни тайёрлаш мақсадида янги ўқув йилидан Наманган давлат университетида Австриянинг Кремс университети билан ҳамкорликда қўшма факультет очилишини алоҳида қайд этди.