Тошкент, Ўзбекистон (UzDaily.uz) — Moody’s рейтинг агентлиги ”Uzagrosugurta”га миллий ва хорижий валутадаги суғурта молиявий барқарорлик рейтингларини Ба3 даражасида, шунингдек, асосий кредит баҳосини (BCA) b2 даражасида берди. Прогноз — барқарор.

Ба3 даражасидаги рейтинглар b2 даражасидаги асосий кредит баҳосини ҳамда Ўзбекистон ҳукумати томонидан «юқори» даражадаги қўллаб-қувватлаш эҳтимоли асосида икки поғонага кўтарилганлигини акс эттиради (Ўзбекистон рейтинги — Bа3, барқарор прогноз).

Экспертлар таъкидлашича, ”Uzagrosugurta” активлари сифати инвестиция даражасидан паст бўлган маҳаллий активларга юқори даражадаги сармоя киритилганини кўрсатади — асосан, Bа3 рейтингига эга давлат банкларидаги жорий ҳисобварақлар ва депозитлар кўринишида.

Бундан ташқари, 2023 йил охирига келиб, компания активларининг тахминан 55% кўчмас мулкка тўғри келган. Моодйъс яқин 12–18 ой ичида ”Uzagrosugurta”нинг инвестиция портфели таркибида сезиларли ўзгаришлар бўлишини кутмаяпти.

2024 йил якунларига кўра, ”Uzagrosugurta” 418,1 млрд сўм (+6,4% й/й) билан йиғилган суғурта мукофотлари ҳажми бўйича суғурта компаниялар орасида 6-ўринни эгаллади. Компаниянинг суғурта тўловлари эса йил давомида 13,0% га камайиб, 43,8 млрд сўмни ташкил этди.