Тошкент, Ўзбекистон (UzDaily.uz) — Ўзбекистон Республикаси Президенти Шавкат Мирзиёев Соғлиқни сақлаш вазирининг икки нафар ўринбосарини лавозимидан озод этди.

Соғлиқни сақлаш соҳасидаги ислоҳотларнинг навбатдаги босқичи учун устувор вазифаларни белгилашга бағишланган видеоселектор йиғилиши давомида давлат раҳбари вице-министрлар Даврон Султонов ва Фарруҳ Шарипов ўз вазифаларидан озод этилганини маълум қилди.

Бу қарор уларнинг фаолиятида аниқланган камчиликлар ва йўл қўйилган хатолар сабабли қабул қилинган.

Бундан ташқари, Соғлиқни сақлаш вазирининг яна бир ўринбосари Олим Омоновга қаттиқ огоҳлантириш берилди: агарда яқин олти ой мобайнида соҳага рақамли технологияларни жорий этишда аниқ натижаларга эришилмаса, у ҳам лавозимидан озод этилади.