Тошкент, Ўзбекистон (UzDaily.uz) — Миграция агентлиги раҳбарияти Татаристонда бир қатор янги ҳамкорлар билан шартномалар имзолади. 

Хусусан, Татарстон Республикаси Қурилиш, архитектура ва коммунал хўжалиги вазирлигида ташкил қилинган учрашувга ҳудуддаги энг йирик қурилиш компаниялари раҳбарлари таклиф қилинди ва шу ернинг ўзида манфаантли келишувларга эришилди.

Татаристон Савдо-саноат палатасида ўтган учрашувга ҳам 30 га яқин тадбиркорлар таклиф қилинди. Мулоқот жуда самарали кечди. Шартномалар имзоланди.   

Умуман олганда, “Апгрейд стафф”, “Казанский ДСК”, “Пассажирское автотранспортное предприятие №2”, “ППТ Алабуга”, ПАО “КАМАЗ”, “Артекс Строй Проект” ва “КЗТМ” каби қурилиш, логистика, автомобилсозлик, ҳайдовчилик, ишлаб чиқариш каби соҳаларга доир 7 та келишув имзоланди ва 11 мингта иш ўрни аниқланди.