Тошкент, Ўзбекистон (UzDaily.uz) — Ўзбекистон Республикаси Инвестициялар, саноат ва савдо вазирлиги томонидан савдо ва сармоявий алоқаларни кенгайтириш мақсадида турли мамлакатлар ишбилармон доиралари ўртасида фаол ҳамкорлик қилиш учун тизимли чора-тадбирлар ишлаб чиқилиб, шарт-шароитлар яратилмоқда.

Шу тариқа, “Озиқ-овқат, ингредиентлар ва ишлаб чиқариш технологиялари – UzFood 2025” IVИВ халқаро кўргазмасида иштирок этиш учун Тошкент шаҳрида бўлиб ўтган "METRO Россия компанияси" делегациясининг "Crafers”, “Candy Gold" ва “BMB Holding” озиқ-овқат саноати корхоналарига ташрифи ташкил қилинди.

Тўғридан-тўғри музокаралар натижасида Ўзбекистон маҳсулотларини Россия савдо тармоқларига мунтазам етказиб бериш масалаларини ҳал қилиш, харидоргир маҳсулотлар рўйхати ва етказиб беришнинг транспорт-логистика йўналишларини ишлаб чиқиш имконини берди.