МДҲ парламент делегациялари раҳбарлари Тожикистон Президенти билан учрашди

Тошкент, Ўзбекистон (UzDaily.uz) — Душанбе шаҳрида Мустақил Давлатлар Ҳамдўстлигига аъзо давлатлар парламент делегациялари раҳбарларининг Тожикистон Республикаси Президенти Эмомали Раҳмон билан учрашуви бўлиб ўтди. 

Суҳбат чоғида МДҲ доирасидаги ҳамкорликни янада ривожлантириш, давлатлар ўртасидаги парламентлараро мулоқотни кучайтириш ҳамда минтақавий барқарорлик ва ўзаро ишончни мустаҳкамлаш масалалари муҳокама қилинди.

Тадбир иштирокчилари Президент Эмомали Раҳмоннинг Душанбедаги “Қасри Миллат” давлат саройи бўйлаб қисқа экскурсияси давомида ушбу масканнинг тарихий ва меъморий аҳамияти билан ҳам танишдилар.