Тошкент, Ўзбекистон (UzDaily.uz) — Жорий йилнинг 18 март куни Инвестициялар, саноат ва савдо вазири ўринбосари Илзат Касимов Япониянинг Marubeni савдо компаниясининг янги вакили Фужии Ясуаки билан учрашди.

Marubeni Corporation 1858 йилда ташкил топган. Бугунги кунда компания ва унинг шўба корхоналари турмуш тарзи, ёғоч материаллари, ИТ-ечимлар, озиқ-овқат, металлар ва минераллар, энергетика, инфратузилмавий лойиҳалар, лизинг ва кўчмас мулк, қурилиш, саноат ускуналари, корпоратив ривожланиш ва бошқалар каби кенг йўналишларда фаолият юритмоқда. Ўзбекистонда компания Тошкент шаҳри эҳтиёжлари учун Тошкент вилоятида янги сув тозалаш ва канализация иншоотини қуриш лойиҳасини амалга оширмоқда.

Учрашув чоғида томонлар бирга олиб борилаётган ишларнинг бугунги ҳолати ва уни фаоллаштириш чора-тадбирлари ҳамда мамлакатимиз иқтисодиётининг муҳим тармоқларида амалга оширилаётган янги истиқболли лойиҳаларни муҳокама қилдилар.

Япония томони кўрсатилаётган ёрдам учун миннатдорчилик билдирди ва ҳамкорликни янада мустаҳкамлашга тайёрлигини тасдиқлади.