Тошкент, Ўзбекистон (UzDaily.uz) — Англиянинг «Манчестер Сити» клуби мухлислари ўзбекистонлик ҳимоячи Абдуқодир Хусановнинг жисмоний ҳолатини танқид остига олишди.

Мазкур баҳс ижтимоий тармоқларда АПЛнинг иккинчи турида «Тоттенҳэм»га қарши ўйин трансляциясида футболчи кадрларда кўринганидан сўнг авж олди.

Томошабинлар майдонга тушмаган футболчининг вазни ортиб қолганига эътибор қаратди. Айрим мухлислар уни ҳазил тариқасида «пирожок»га ўхшатишди.

«Этихад»да ўтган учрашув «Тоттенҳэм»нинг 2:0 ҳисобидаги ғалабаси билан якунланди. Хусанов беллашувда иштирок этмади.