Тошкент, Ўзбекистон (UzDaily.uz) — Жорий йилнинг 28 февраль куни Ўзбекистон Республикаси Инвестициялар, саноат ва савдо вазири Лазиз Кудратов Малайзиянинг FIVE Petroleum компанияси ижрочи директори Лим Чин Фуи билан учрашди.

FIVE Petroleum Малайциа 2020 йилда ташкил этилган. Компания Малайзия бўйлаб 110 дан ортиқ ёқилғи қуйиш шохобчаларини бошқаради. Шунингдек, компания 400 дан ортиқ ёқилғи қуйиш шохобчаларини бошқарадиган БҲПетролънинг 60 фоизига эгалик қилади.

Музокаралар чоғида жорий йилнинг 4-5 февраль кунлари Малайзияга олий даражадаги ташриф чоғида эришилган келишувларни амалга ошириш, шунингдек, янги истиқболли йўналишлар, жумладан, энергетика ва тоғ-кон саноатида лойиҳаларни ҳаётга татбиқ қилиш масалалари муҳокама қилинди.

FIVE Petroleum Corporation тажрибаси ва сармояларининг Ўзбекистонга олиб келиниши мазкур йўналишларда амалга оширилаётган ишлар сифатини сезиларли даражада ошириши ҳамда Малайзия ва умуман, хорижий инвесторлар учун яна бир муваффақиятли претседент яратишига ўзаро ишонч билдирилди.

Компания раҳбарияти мамлакатимизда бизнес юритиш учун яратилган шарт-шароитларни юқори баҳолаб, ҳар икки томон учун ҳам манфаатли бўлган янги лойиҳалар устида ҳамкорликда келгусида иш олиб боришдан манфаатдорлигини билдирди.

Музокаралар натижасида муҳокама қилинган лойиҳа ва ташаббусларни муваффақиятли амалга ошириш доирасида келгусида ҳамкорлик қилиш механизмлари ишлаб чиқилди.