Валюта курслари 29/08/2025
$1 – 12482.38
UZS – 0.56%
€1 – 14540.72
UZS – 1.07%
₽1 – 155.23
UZS – 0.62%
Қидириш
Иқтисод 24/03/2025 Лондон шаҳрида Ўзбекистон агросаноатига бағишланган бизнес-форум ўтказилди

Лондон шаҳрида Ўзбекистон агросаноатига бағишланган бизнес-форум ўтказилди

Тошкент, Ўзбекистон (UzDaily.uz) — Ўзбекистон элчихонасида Британиянинг тегишли давлат ташкилотлари, экспортёр ва импортёр корхоналари иштирокида мамлакатимизнинг қишлоқ хўжалиги саноатига бағишланган бизнес-форум ҳамда маҳаллий корхоналар томонидан етиштирилган ва ишлаб чиқарилган маҳсулотларнинг кўргазмаси ташкил этилди, деб хабар қилмоқда "Дунё" АА мухбири.

Унда 50 дан зиёд хорижий компаниялар, республиканинг экспортчи корхоналари ҳамда Ўсимликлар карантини ва ҳимояси агентлиги масъуллари иштирок этди.

Форумда иштирокчиларга республиканинг агросаноати, унинг экспорт салоҳияти ва ҳозирда мазкур соҳада амалга оширилаётган ислоҳотлар тўғрисида тақдимотлар ўтказилди.

Хусусан, хорижий томон миллий маҳсулотларнинг экспорт географияси ва чет эллик инвесторларга мамлакат агросаноатида тақдим этилаётган имкониятлар билан батафсил таништирилди.

Тадбир давомида республика агросаноат маҳсулотларининг Британия бозорига экспортини янада ривожлантириш, транспорт-логистика йўллари ва хорижий капитал иштирокида маҳаллий қишлоқ хўжалиги кластерларини яратиш ҳамда икки мамлакат ҳудудида ўтказиладиган нуфузли кўргазмаларда иштирок этиш масалалари бўйича фикр алмашилди.

Шунингдек, Британия компаниялари раҳбарлари билан алоҳида музокаралар, G2B ва B2B форматларида учрашувлар ўтказилди ва мазкур йўналишдаги аниқ лойиҳалар муҳокама қилинди.

Бизнес-форум доирасида маҳаллий экспорт қилувчи корхоналар томонидан мева-сабзавотлар, мевали шарбатлар, қуруқ мевалар, ширинлик ва қандолат маҳсулотларининг тақдимотлари ўтказилди.

Тадбир якунида Ўзбекистонда "Global G.A.P" ва халқаро стандартларни расмийлаштиришга кўмаклашувчи марказ очиш мақсадида Британиянинг "Best produce" (INT UK LTD) компанияси билан Ўсимликлар карантини ва ҳимояси агентлиги ҳузуридаги Экспорт штаби ўртасида ҳамкорлик меморандуми имзоланди.

Энг сўнгги янгиликлардан хабардор бўлинг
Телеграм каналимизга обуна бўлинг