Краснодарда Ўзбекистондан келтирилган карантин зараркунандаси билан зарарланган хурмо партияси ушланди

Тошкент, Ўзбекистон (UzDaily.uz) — Краснодар шаҳрида Россельхознадзорнинг Жанубий минтақалараро бошқармаси ходимлари Ўзбекистондан олиб келинган йирик хурмо партиясини карантин зараркунандаси аниқланиши сабабли тўхтатдилар.

Маълумотларга кўра, 15 сентябрь куни вақтинча сақлаш омборида автомобиль транспортида етказилган 18,8 тонна миқдордаги партия кўрикдан ўтказилганда мутахассислар ғарб гули трипсини аниқладилар.

Мутаҳассисларнинг таъкидлашича, ушбу ҳашарот қишлоқ хўжалигига жиддий зарар етказиши, қатор қишлоқ хўжалик экинларини зарарлаши мумкин.

Хавфли объект тарқалишини олдини олиш мақсадида мазкур партиянинг Россияга кириши тақиқланди.