Кошта Мирзиёевни Мустақиллик байрами билан табриклаб, Брюсселдаги учрашувни эълон қилди

Тошкент, Ўзбекистон (UzDaily.uz) — Европа Кенгаши раиси Антониу Кошта Ўзбекистон мустақиллигининг 34 йиллиги муносабати билан Президент Шавкат Мирзиёевга йўллаган табригида икки томонлама ҳамкорлик ривожланаётганини қайд этди ва 24 октябрь куни Брюсселда бўлиб ўтадиган учрашувни эълон қилди.

«Биздаги шериклик, шубҳасиз, янги босқичга кўтарилди, у самарали ва кўп қиррали ҳамкорлик билан барча соҳаларда намоён бўлмоқда, бунинг учун сизнинг лидерлигингиз катта аҳамият касб этмоқда», — дея таъкидлади Кошта.

Унинг қўшимча қилишича, Брюсселда Мирзиёев билан Европа Иттифоқи ва Ўзбекистон ўртасидаги кенгайтирилган шериклик ва ҳамкорлик тўғрисидаги Битимни имзолашга оид масалалар муҳокама қилинади.