Кореялик инвесторлар Фарғонада бизнес юритишга катта қизиқиш билдирмоқда

Тошкент, Ўзбекистон (UzDaily.uz) — Вилоят ҳокими Хайрулло Бозоров вилоятимизга инвестиция киритган ва янги лойиҳаларни амалга оширмоқчи бўлаётган кореялик инвесторлар ҳамда уларнинг фарғоналик ҳамкорлари билан учрашди.

Учрашувда инвесторлар томонидан ишлаб чиқилган янги истиқболли лойиҳалар тақдимот қилинди.

Хусусан, Корея технологияси асосида чиқиндидан энергияга айлантирувчи электр станцияси лойиҳаси, қурилиш соҳасида янги йўналишлар, иссиқхоналар учун плёнка ишлаб чиқариш, қишлоқ хўжалиги ва чорвачилик бўйича амалга оширилмоқчи бўлинаётган лойиҳалар, шунингдек, Марғилон шаҳрида фаолияти йўлга қўйилилган MGT Global тикувчилик корхонасини кенгайтириш, экспорт салоҳиятини ошириш билан боғлиқ ташаббуслар муҳокама қилинди.

Вилоят ҳокими инвесторлар томонидан тақдим қилинган ҳар бир лойиҳа Фарғона вилояти учун муҳим эканлигини қайд этиб, ҳар бир лойиҳа қўллаб-қуватланилиши, керакли кўмак кўрсатилишини маълум қилди. Тадбиркорларга инвесторларнинг ишлашлари учун кўмаклашишлари бўйича кўрсатмалар берди.