Тошкент, Ўзбекистон (UzDaily.uz) — Миллий истиқболли лойиҳалар агентлиги (МИЛА) "KOMPRESSORNIY ZAVOD AIR-PROMASH" масъулияти чекланган жамиятига қимматли қоғозлар бозорида инвестиция активларини ишончли бошқарувчи сифатида профессионал фаолият юритиш учун лицензия берди.

Лицензия айрим турдаги фаолиятларни лицензиялаш тартиби тўғрисидаги ягона низом асосида махсус электрон тизим орқали расмийлаштирилган (2022 йил 21 февралдаги 80-сон рўйхат).

Янги лицензия ҳақидаги маълумотлар қимматли қоғозлар бозорининг профессионал иштирокчилари электрон реестрига киритилган бўлиб, у МИЛАнинг расмий веб-сайтида очиқ эълон қилинган.

Шу тариқа, компания расман мижозларнинг инвестиция активларини бошқариш ҳуқуқини қонунчилик доирасида қўлга киритди.