Тошкент, Ўзбекистон (UzDaily.uz) — 14 майда Тошкент шаҳридаги «Ўзэкспомарказ»да « IDECA 2025» Марказий Осиё халқаро Стоматологик кўргазма бошланади. Мазкур муҳим стоматологик кўргазмада нафақат соҳа янгиликлари намойиш этилади, шунингдек, мастер-классларни, илмга оид модуллар, ҳамда долзарб мавзудаги мунозараларни ўз ичига олган форум бўлиб ўтиши кўзда тутилган. 

Қизиғи шундаки, кўргазма нафақат стоматологияга тааллуқли. Тадбирнинг нуфузли меҳмони профессор Лакшм ан Самаранянке (Гонгконг) «Стоматологияда инфекцияларнинг олдин олиш ва уларни назорат қилишга муҳим назар» лойиҳасини тақдим этади.

Бугунги кунда тиббиёт ходимлари қандай қилиб ўзларини беморда мавжуд бўлган инфекциядан асраш ва бошқа беморга ўтишининг олдини олиш масаласи жиддий тус олган. Ҳеч кимга сир эмаски, ҳар хил инфекцион касалликларнинг нафақат сони ошиб боряпти, балки уларнинг турлар ҳам кўпайиб боряпти. Демак, инфекцион назоратга ёндашув ҳам муттасил равишда қайта кўриб чиқилиши ва янгиланиб борилиши керак. Масалан, Ўзбекистонда шифокор қўлини, асбоб-ускуналарни дезинфекция қилишда таркибида хлор мавжуд бўлган воситалар қўлланилади. Булардан эса кўпгина ривожланган мамлакатлар воз кечган. Чунки уларда инсон организми учун салбий таъсир кўрсатувчи, ҳамда тиббий ускуналарга зиён етказувчи элементлар мавжуд.

Шу туфайли таркибида хлор мавжуд бўлган воситалар ўрнини замонавий воситалар эгаллаяпти. Лекин ушбу ўзгаришларни мамлакат миқёсида жорий этиш норматив ҳужжатларни қайта кўриб чиқишни талаб этади. Бу эса инфекцияларнинг тарқалишининг замонавий усулларда олдини олиш имконини беради.

Лакшман Самаранаяке кўргазма иштирокчилар билан замонавий дезинфекциялар бўйича халқаро стандарт тиббий протоколлар билан ўртоқлашди. Бу эса инфекция тарқалишининг олдини олишда муҳим аҳамият касб этади.

BIOSTOM компанияси раҳбари, «IDECA» лойиҳаси директори Фазлиддин Садиков таъкидлаганидек, мамлакатимиз стоматологияси ривожига оид масалалар муҳокамаси кўргазма доираси билан чегараланиб қолмайди. Мутахассисларнинг катта қизиқишини инобатга олиб, долзарб мавзуларда мунозараларни давом эттириш, кейинчалик эса буни Ўзбекистон соғлиқни сақлаш тизими вакиллари ва бошқа манфаатдор томонлар иштирокида давом эттириш режалаштирилган.

Кўргазма ва форум катта ўқув дастурни ҳам ўз ичига олган. Шунинг учун ташкилотчилар томонидан таклифлар мамлакатнинг барча соҳага оид ОТМларига юборилган. Талабалар ва ишлаётган мутахассислар учун машҳур мутахассисларнинг стоматология соҳасидаги энг замонавий услублари тақдим этилади.

Спикерлар орасида яна бир фахрий меҳмон  — Германиянинг Хайдельберг университетидан доктор Симон Шик, Ўзбекистон, Россия, Қозоғистон, Буюк Британия, Швейцария, Грузия ва бошқа мамлакатлардан экспертлар ҳам бор.

Масалан, россиялик эксперт Стас Белоус раҳбарлигида стоматологияда янги рақамли технологияларнинг қўлланилиши амалда кўрсатилади. Беморлар иштирокида уларни катта мониторда йириклаштирилган ҳолда кўрсатади. Бу ҳар бир қизиққан кишининг жараённинг барча нозик жиҳатларини аниқ кўриш учун. Маълумки, замонавий клиникалар яхши жиҳозланган. 3D принтерлар ва оғиз ичи сканерлари ҳам мавжуд. Гап уларнинг имкониятларидан қандай тўлақонли фойдаланишда. Ва бу ерда ҳамкасбларнинг тажрибасини ҳар доим ўрганиб бориш зарур. Айнан ман шунинг учун «IDECA» катта имконият яратади.

«Мастер-класслар жараёнида биз, масалан, тайёрлашнинг замонавий рақамли протоколларини қўллаш билан стоматологик протезлар конструкцияларини тайёрлашнинг тўлиқ циклини намойиш этамиз. Бунинг учун бу ерда мини-лаборатория ўрнатилади. Иш беморни қабул қилишдан бошланади. Кейин эса — унинг учун лабораторияда бутун конструкцияни тайёрлаш босқичи. Мастер-класс иштирокчилари қадам-ба қалам ҳаммасини кўриб туради. Шунингдек, аниқлик киритиш учун услублар бўйича саволлар бериб бориши мумкин», — деб тушунтириб берди Ф. Садиков.

Кўргазма кетма-кет иккинчи йил давом этяпти, ва кўплаб таниқли экспертларни таклиф қилишимизга қарамай, стоматология соҳаси мутахассислари учун барча мастер-классларни ташкилотчилар бепул олиб боряпти. Бунда маърузалар, мунозаралар ва жонли намойишли ўқув дастурлар уч кун давом этадиган кўргазманинг барча залларида ўтказилади. Ва албатта, иштирокчиларнинг бутун диққат-эътибори экспонент компанияларнинг стендларига қаратилган бўлади. Бунда экспертлар стоматологияга ва ташхисга оид ускуналарининг, ҳамда Германия, Россия, Хитой, АҚШ Швейцария, Жанубий Корея ва дунёнинг бир қатор мамлакатларининг ишлаб чиқарувчиларнинг ишлатиладиган материаллари энг янги ишланмаларининг ва ускуналарининг замонавий турларини намойиш этади.