Келгуси ўқув йилидан абитуриентлар 5 та фандан тест синови топширадилар

Ташкент, Узбекистан (UzDaily.uz) – Ўзбекистон Республикаси Президентининг “Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида”ги қарори қабул қилинди.

(https://t.me/eduuz/760)2020/2021 ўқув йили қабулидан бошлаб тест синови топшириладиган фанлар мажмуаси икки бўлимга ажратилади.

Биринчи бўлимга барча тест топширувчилар учун мажбурий бўлган қуйидаги учта фан киритилади:

она тили (ўзбек, рус ёки қорақалпоқ тили);

математика;

Ўзбекистон тарихи.

Иккинчи бўлимга абитуриент танлаган бакалавриат таълим йўналишига мос иккита фан киритилади.

Манба: Олий ва ўрта махсус таълим вазирлигининг расмий телеграм канали.