Камилла Раҳимова Australian Open мусобақасини биринчи даврада Кори Гауффга ютқазиб, тарк этди

Тошкент, Ўзбекистон (UzDaily.uz) — Ўзбекистонлик теннисчи Камилла Раҳимова Австралия очиқ чемпионатидаги иштирокини якунлади. У биринчи давра учрашувида турнир фаворитларидан бири ҳисобланган америкалик Кори Гауффга мағлуб бўлди.

Учрашув Гауффнинг икки сетдаги ғалабаси билан якунланди — 6:2, 6:3. Беллашув АҚШ вакили назорати остида ўтди.

Шу тариқа, Камилла Раҳимова мусобақани старт босқичида тарк этди, бироқ Ўзбекистон терма жамоаси учун Australian Open давом этмоқда.

Аввалроқ асосий тўрда Полина Кудерметова муваффақиятли старт қилиб, биринчи даврада Испания вакиласи устидан ғалаба қозонган ва мусобақанинг иккинчи босқичига йўл олган эди.