Тошкент, Ўзбекистон (UzDaily.uz) — Самарқанд вилоятида Жомбой тумани ва Ургут ўртасида янги темир йўл қурилиши бошланди, деб хабар беради "ЎзА" агентлиги.

Лойиҳа "Тоштемирйўллойиҳа" бош режаси асосида амалга оширилмоқда. Янги темир йўл тармоғининг умумий узунлиги 50 километрдан ортиқ бўлади.

Йўналиш Жомбой, Самарқанд, Тайлоқ ва Ургут туманларидан ўтиб, бу ҳудудларда янги темир йўл станциялари барпо этилади.

Шунингдек, янги йўл Ўзбекистон – Тожикистон чегарасида жойлашган Жартепа божхона пости яқинидан ўтиши режалаштирилган.