Тошкент, Ўзбекистон (UzDaily.uz) — 23 июль куни Женевада бўлиб ўтган Жаҳон савдо ташкилоти (ЖСТ) Бош кенгаши йиғилишида Жанубий Корея дипломати Чхве номзоди Ўзбекистоннинг ЯИТга аъзо бўлиши бўйича ишчи гуруҳ раиси лавозимига маъқулланди. Бу ҳақда Yonhap агентлиги хабар берди.

Сеул 2013 йилдан бери Тошкентнинг ЖСТга аъзо бўлиш жараёнини қўллаб-қувватлаб келмоқда ва эндиликда ушбу жараёнда асосий мувофиқлаштирувчи ролни ўйнайди.

Ишчи гуруҳ раиси муҳим вазифани бажаради: у ЖСТга аъзо давлатлар ўртасидаги икки томонлама ва кўп томонлама музокараларни мувофиқлаштиради ҳамда Ўзбекистоннинг ташкилотга қўшилишига бағишланган йиғилишларга раҳбарлик қилади.

Мазкур ишчи гуруҳ 1994 йилда ташкил этилган бўлиб, Ўзбекистонга халқаро савдо тизими аъзолигига тайёргарлик кўриш ва унинг талабларига мослашишда техник ва сиёсий ёрдам кўрсатиб келмоқда.