Тошкент, Ўзбекистон (UzDaily.uz) — Декабрь ойининг биринчи ҳафтасида Ўзбекистон Республикаси Инвестициялар, саноат ва савдо вазирлиги, Наманган вилояти туман ва вилоят ҳокимликлари вакилларидан иборат делегация Шинжон-Уйғур Автоном республикаси ва Пекин шаҳрига ташриф буюрди.

Ташриф Наманган вилоятидаги лойиҳаларга тўғридан-тўғри Хитой сармоясини жалб қилиш бўйича инвесторлар билан бевосита музокаралар олиб бориш мақсадида ташкил қилинд. Вазирликнинг ушбу ташаббуси тизимли характерга эга – ташрифдан олдин барча имкониятлар чуқур таҳлил қилинди ва тақдим қилиш учун аниқ лойиҳалар ишлаб чиқилди.

Ташриф доирасида Шинжон-Уйғур автоном республикасининг Фулонг ва Урумчи шаҳарлари ҳамда Пекин шаҳрида Хитойнинг Hunan Zhongwei Group, Fulong Four Season, Xinjiang Tianshan, Jinmo Camel Biotechnology, BJ Supply Chain Management, Shaoxing Zhonglu, Yang Yexuan Wantai, Shenzhen Decoration Group, New Energy Agriculture, Zhuanghuayiliao, GCL Group, China Gansu International Economic and Technical Cooperation Co., Sichuan Commercial Investment Group ва бошқа йирик компаниялар раҳбарлари билан учрашув ва музокаралар ўтказилиб, Наманган вилоятида лойиҳавий ташаббусларни амалга оширишнинг амалий тафсилотлари муҳокама қилинди.

Хитой компаниялари вакилларига Ўзбекистонда тадбиркорларнинг қулай фаолият юритиши учун яратилган шарт-шароитлар, имтиёз ва преференциялар, инвесторларнинг ҳуқуқ ва манфаатларини ҳимоя қилиш бўйича қонунчилик кафолатлари тақдим этилди. Хитой компаниялари вакиллари мамлакатимиздаги ишбилармонлик муҳитини юқори баҳолаб, Ўзбекистоннинг Хитой ишбилармон доираларида сармоя киритиш учун энг ишончли йўналишлардан бири сифатида машҳурлигини таъкидладилар.

Музокаралар чоғида туризм, тиббиёт ва инфратузилмани ривожлантириш, мева-сабзавотларни қайта ишлаш, чорвачилик, автомобилсозлик, тўқимачилик маҳсулотлари ишлаб чиқариш, қурилиш материаллари, қуёш ва шамол электр станциялари учун ускуналар ишлаб чиқариш каби соҳаларда қўшма лойиҳаларни амалга ошириш бўйича келишувларга эришилди. Вазирлик хитойлик ҳамкорларга лойиҳаларни амалга оширишнинг барча босқичларида тўлиқ ва ҳар томонлама қўллаб-қувватлашга тайёрлиги билдирилди.

Шунингдек, ташриф доирасида 6 декабрь куни Пекин шаҳрида Хитойнинг 20 дан ортиқ йирик компаниялари раҳбарлари иштирокида Ўзбекистон-Хитой бизнес-форуми бўлиб ўтди. Хитой томони тақдим этилган лойиҳаларга катта қизиқиш билдирди. B2B форматида бўлиб ўтган музокараларда жойларда лойиҳаларни батафсил ишлаб чиқиш бўйича навбатдаги тадбирлар келишиб олинди.

Умуман олганда, хитойлик ҳамкорлар таъкидлаганидек, мамлакатда амалга оширилаётган ислоҳотлар ва қатор “суccесс stories" туфайли Ўзбекистонга инвестициялар киритиш ва бизнесни кенгайтириш Хитой бизнес ҳамжамияти орасида тендентсияга айланиб бормоқда.

Таъкидлаш жоизки, тўғридан-тўғри ўзаро ҳамкорликни йўлга қўйиш бўйича бундай ишлар ҳар бир ҳудудда маҳаллий давлат ҳокимияти органлари ходимларининг мамлакатга янги инвесторларни жалб қилиш мақсадида ISSV кўмагида саёҳат қилиши ва музокаралар олиб бориши.