Иқтидорли ўқувчилар ўртасида фан олимпиадаларини ўтказиш тизими такомиллаштирилади

2021 йил 9 сентябрь санаси билан Ўзбекистон Республикаси Вазирлар Маҳкамасининг “Иқтидорли ўқувчилар ўртасида фан олимпиадаларини ўтказиш тизимини такомиллаштириш ҳамда хорижий тилларни ўқитиш бўйича энг яхши мактабни аниқлаш тизимини жорий этиш тўғрисида”  562-сон қарори қабул қилинди.

Қарорнинг биринчи иловасида "Умумий ўрта таълим ташкилотлари, академик лицей ва касб-ҳунар мактаблари ўқувчилари ўртасида фан олимпиадаларини ташкил этиш, ўтказиш ҳамда халқаро олимпиада иштирокчиларини саралаш ва ғолибларни рағбатлантириш тартиби тўғрисида"ги низом тасдиқланди.

Низомга кўра, мактаб ўқувчилари ўртасида умумтаълим фанлари бўйича олимпиадалар 9-10-11 синф ўқувчилари ўртасида ўтказилади.