Ипотека банки IFC учун қўшимча акцияларни сотиб олишнинг имтиёзли ҳуқуқи билан чиқаради

Тошкент, Ўзбекистон (UzDaily.uz) — 2026 йил 18 март куни ўтказилган акциядорларнинг навбатдан ташқари умумий йиғилиши якунларига кўра, “Ипотека-банк“ 391,3 млрд дона қўшимча оддий акцияларни жойлаштириш тўғрисида қарор қабул қилди.

Жойлаштириш бир дона акция учун 1,1 сўм нархда (жорий бозор нархи — 2,85 сўм) биржадан ташқари бозорда амалга оширилади. Эмиссиянинг умумий ҳажми 430,4 млрд сўмни ташкил этади.

Асосий инвестор сифатида Халқаро молия корпорацияси (IFC) иштирок этади — акциялар амалдаги акциядорларнинг имтиёзли ҳуқуқи инобатга олинган ҳолда ёпиқ обуна орқали хусусий жойлаштириш шаклида таклиф этилади.

Жойлаштириш муддати эмиссия рўйхатдан ўтказилган кундан бошлаб 6 ойгача бўлади. Амалдаги акциядорлар ўзларига тегишли улушга мутаносиб равишда имтиёзли ҳуқуқларидан акциялар чиқарилиши эълон қилинган кундан бошлаб 10 кун ичида фойдаланишлари мумкин.

IFC томонидан тўлов ўзаро ҳисоб-китоб йўли билан амалга оширилади: банкнинг кредит бўйича мажбурияти капиталга конвертация қилинади. Бошқа акциядорлар акцияларни сўмда пул маблағлари орқали тўлашлари мумкин.