«Ипак Йўли» банки Ўзбекистонда дивиденд тўловлари бўйича рейтингда етакчи бўлди — 2025 йилда 66,1 млрд сўм

Тошкент, Ўзбекистон (UzDaily.uz) — 2025 йил якунларига кўра, Ўзбекистон банк сектори акциядорларга дивиденд тўлаш ва инвестицион мажбуриятларни бажаришда юқори фаоллик намоён этди.

Марказий депозитарий тизими орқали амалга оширилган тўловлар таҳлили шуни кўрсатадики, банклар томонидан йўналтирилган жами маблағларнинг асосий қисми рейтингдаги етакчи банклар ҳиссасига тўғри келган.

Рейтингнинг мутлоқ пешқадами - “Ipak Yo'li” банки бўлиб, у 2025 йил давомида 66,1 млрд сўмлик дивиденд тўловлари билан бозорда яққол устунликка эга. Бу кўрсаткич банкнинг хусусий инвестицияларни жалб қилиш ва акциядорлар билан ишлашдаги стратегик ёндашувидан далолат беради.

Шунингдек, “Anor bank” (12,5 млрд сўм) ва “Hamkorbank” (8,8 млрд сўм) ҳам дивиденд сиёсатининг барқарорлиги бўйича бозорда мустаҳкам мавқега эга эканликларини намоён этмоқда.

Дивиденд тўловларининг Марказий депозитарий орқали амалга оширилиши капитал бозорининг шаффофлигини таъминловчи асосий омилдир. Банкларнинг дивиденд сиёсатидаги бундай очиқлик Ўзбекистон молия бозорининг ишончлилик даражасини оширишда муҳим омил бўлиб хизмат қилади.