Тошкент, Ўзбекистон (UzDaily.uz) — 2024 йил 11 декабрь куни Ўзбекистон ташқи ишлар вазири ўринбосари Илҳом Ҳайдаров Малайзиянинг мамлакатимиздаги Фавқулодда ва Мухтор Элчиси Илҳом Туа Бин Иллиас билан учрашув ўтказди.

Икки томонлама ҳамкорликнинг бугунги ҳолати ва истиқболли йўналишлари, шунингдек, Тошкентда бўлиб ўтган Ўзбекистон-Малайзия саммити ва 2024 йил май ойида Куала-Лумпурда бўлиб ўтган Ҳукуматлараро комиссиянинг биринчи йиғилишида эришилган келишувларни амалга оширишнинг бориши муҳокама қилинди.

Барча устувор йўналишларда ҳамкорликнинг юқори динамикаси, барча даражадаги делегациялар алмашинуви фаоллашгани мамнуният билан қайд этилди. Кимё саноати, энергетика, рақамли технологиялар, электротехника, ҳалол саноат, ислом молияси ва бошқа соҳаларда етакчи компаниялар ўртасида ҳамкорлик лойиҳаларини амалга оширишни жадаллаштиришдан манфаатдорлик тасдиқланди.

2025 йилда ушбу ташкилотга раислик Малайзияга ўтишини ҳисобга олган ҳолда Ўзбекистон ва АСЕАН ўртасидаги ҳамкорликни ривожлантириш йўллари муҳокама қилинди. 2025 йилда турли даражаларда режалаштирилган ташриф ва тадбирларнинг ташкилий-мазмунига ҳам алоҳида эътибор қаратилди.