Ижтимоий ҳимоя миллий агентлиги деменция ва Паркинсон касаллигига чалинган одамларга қараш хизматларини йўлга қўядиИжтимоий ҳимоя миллий агентлиги деменция ва Паркинсон касаллигига чалинган одамларга қараш хизматларини йўлга қўяди

Тошкент, Ўзбекистон (UzDaily.uz) — Ижтимоий ҳимоя миллий агентлигига деменция ва Паркинсон касаллигига чалинган одамларга қараш хизматларини ташкил этиш топширилди. Бу ҳақда Ўзбекистон Президенти Шавкат Мирзиёев Наманган вилоятининг ижтимоий-иқтисодий ривожланишига бағишланган йиғилишда маълум қилди.

Йиғилишда сўнгги уч ой давомида «Фаол ҳаётга қадам» дастури доирасида Наманганда 48 нафар тадбиркор ёрдамга муҳтож қарияларга қараш хизматларини йўлга қўйиб, уч мингдан ортиқ инсонга хизмат кўрсатгани таъкидланди.

Натижада қарияларга қараш билан шуғулланган 350 нафар ходим ишга жойлашиш ва даромад олиш имкониятига эга бўлди.

Шунингдек, Ижтимоий ҳимоя миллий агентлигига қараш хизматларини кенгайтириш ҳамда деменция ва Паркинсон касаллигига чалинган одамларга қўллаб-қувватлашни таъминлаш топширилди.

Алоҳида эътибор чекланган имкониятли болалар учун реабилитация ва педагогик дастурларни жорий этишга, кундузги парвариш хизматларини тўлдиришга қаратилмоқда.