Ички ишлар вазирлиги: Қўқонда 9-синф ўқувчиси жиноятчиликнинг олдини олиш инспекторини пичоқлади

Тошкент, Ўзбекистон (UzDaily.uz) — Қўқон шаҳрида хизмат пайтида ички ишлар ходимига қилинган ҳужум бўйича жиноий иш қўзғатилди.

Расмий маълумотларга кўра, 18 февраль куни Садоқат маҳалласида яшовчи 37 ёшли аёл катта лейтенант ва жиноятчиликнинг олдини олиш инспектори Жаҳонгир Маҳмудовга қўнғироқ қилиб, ўғлининг оила аъзолари билан низолар келиб, мактабга боришдан бош тортаётганини хабар қилган.

Инспектор ўсмир билан профилактик суҳбат ўтказиш зарурлигини тушунтириш ва вазиятни жойида баҳолаш учун манзилга етиб келди.

Инспектор манзилга етиб бориб, мурожаатчи аёлга фарзандининг хулқ-атвори ҳақида профилактик суҳбат ўтказиш зарурлигини тушунтираётганида, ўғли орқа тарафдан яқинлашиб, инспекторнинг чап орқа белига ошхона пичоғини санчиб олган.

Оғир жароҳат олганига қарамасдан, профилактика инспектори зудлик билан фуқарони жисмоний куч ишлатган ҳолда зарарсизлантириб, воқеа жойига ёрдамчи кучларни чақиртирган.

Ёрдамчи кучлар етиб келиб, хонадонда яшовчи фуқароларнинг хавфсизлигини таъминланган. Профилактика инспектори шифохонага етказилиб, жонлантириш бўлимига ётқизилган.

Ушбу ҳолат бўйича Ўзбекистон Жиноят кодексининг 104-моддаси 2-қисми «б» банди билан жиноят иши қўзғатилди. Гумонланувчи ҳибсга олинди ва тергов ҳаракатлари олиб борилмоқда.