Heecheng Construction Ўзбекистонда қайта тикланадиган энергия соҳасида инвестиция лойиҳаларини таклиф этди

Тошкент, Ўзбекистон (UzDaily.uz) — Фарғона вилояти ҳокими Хайрулло Бозоров Хитойнинг “Heecheng Construction Group Co., Ltd.” компанияси раҳбари Ма Женгшан бошчилигидаги делегация билан учрашди.

Унда ўзаро манфаатли ҳамкорликни ривожлантириш, энергетика соҳасида истиқболли лойиҳаларни амалга ошириш масалалари муҳокама қилинди.

Компания нефть-газ, кимё саноатлари, қурилиш ва ўрнатиш соҳаларида фаолият юритади, шунингдек, янги энергия манбаларини, жумладан, шамол ва қуёш энергиясини ишлаб чиқариш, энергия сақлаш технологияларини ривожлантириш бўйича ҳам кўплаб лойиҳаларни амалга оширади.

Хитойлик инвесторлар томонидан вилоятимизда шамол ва қуёш электр станцияларини қуриш таклифлари билдирилди.

Учрашув якунида инвестицион лойиҳаларни амалга ошириш бўйича “йўл харитаси” ишлаб чиқишга келишиб олинди.