Hayot Bank устав капиталини 100 млрд сўмга оширилади

Тошкент, Ўзбекистон (UzDaily.uz) — Hayot Bank акциядорлик жамияти ўз устав капиталини 100 млрд сўмга ошириш тўғрисида қарор қабул қилди. Мазкур қарор 2026 йил 16 февраль куни бўлиб ўтган акциядорларнинг умумий йиғилишида тасдиқланган.

Янги акциялар эмиссияси 2026 йил 27 февраль куни давлат органлари томонидан расман рўйхатдан ўтказилди.

Банк номинал қиймати 1 000 сўмдан бўлган 100 млн дона оддий акция чиқаради. Ушбу акциялар ёпиқ обуна орқали жойлаштирилади.

Эмиссия якунланганидан сўнг Hayot Bank устав капитали 650 млрд сўмга етади.

Бундан аввал, 2025 йил октябрь ойида банк устав капиталини 50 млрд сўмга ошириб, уни 550 млрд сўмга етказган эди.

2025 йил якунларига кўра, Hayot Bank 41,2 млрд сўм миқдорида соф фойда қайд этган.