Ҳайдаров Ўзбекистон ёшлар терма жамоасининг U23 Осиё кубоги учун таркибини эълон қилди

Тошкент, Ўзбекистон (UzDaily.uz) — Ўзбекистон ёшлар терма жамоаси бош мураббийи Равшан Ҳайдаров Саудия Арабистонида 2026 йил 6–24 январь кунлари бўлиб ўтадиган 23 ёшгача бўлган футболчилар ўртасидаги Осиё чемпионати учун жамоа таркибини маълум қилди.

Қайд этилишича, мазкур мусобақада Ўзбекистоннинг U21 ёш тоифасидаги терма жамоаси иштирок этади.

Ўзбекистон терма жамоаси С гуруҳидан ўрин олган бўлиб, унда жамоанинг рақиблари Эрон, Корея Республикаси ва Ливан терма жамоалари бўлади.

Терма жамоа мусобақадаги иштирокини 7 январь куни мезбонлар жамоасига қарши ўйин билан бошлайди. 10 январь куни Эрон терма жамоасига қарши баҳс ўтказилиши режалаштирилган, 13 январь куни эса Корея Республикаси терма жамоасига қарши учрашув бўлиб ўтади.

Ўзбекистон терма жамоаси таркибига Максим Муркаев, Саидхон Ҳамидов, Дилшод Муртазоев, Ғиёсжон Ризақулов, Озодбек Эргашев, Равшан Хайруллаев, Сардор Бахромов, Муҳаммадали Реимов, Саидумархон Саиднуруллаев, Рустамбек Фомин, Асилбек Жумаев, Умар Рустамов, Ислом Анваров, Азизбек Тулқунбеков, Мейирбек Режабалиев, Беҳруз Каримов, Амирбек Саидов, Шоҳжаҳон Ёрқинбоев, Муҳаммадбобур Каримов, Дилшод Абдуллаев, Самандар Муратбаев, Нурлан Ибраимов ва Абдуғафур Ҳайдаров киритилган.