Тошкент, Ўзбекистон (UzDaily.uz) — Яккасарой тумани ҳокими Нилуфар Аллабергенова тумандаги иқтисодий тараққиёт ва инвестиция муҳитини янада ривожлантириш мақсадида  хорижий инвесторлар билан учрашув ўтказди.

Учрашувда ҳоким ўринбосарлари, масъул раҳбарлар ҳамда “Griffin Development” компанияси вакили иштирок этди.

Музокаралар давомида туман ҳудудида қурилиш мумкин бўлган лойиҳа муҳокама қилинди.

Мазкур лойиҳа доирасида кўп қаватли бизнес маркази, замонавий меҳмонхона, маиший хизмат кўрсатиш мажмуалари ҳамда қулай инфратузилмага эга турар-жой бинолари барпо этилиши кўзда тутилган. Бу эса нафақат Яккасарой туманининг архитектура қиёфасини янгилашга, балки янги иш ўринлари яратиш орқали аҳолининг бандлигини оширишга ҳам хизмат қилади.