Гаянэ Умерова Россия Стратегик ташаббуслар агентлиги раҳбари билан учрашув ўтказди

Тошкент, Ўзбекистон (UzDaily.uz) — Тошкент шаҳрида Ўзбекистон Республикаси Вазирлар Маҳкамаси ҳузуридаги Маданият ва санъатни ривожлантириш жамғармаси раиси Гаянэ Умерова Россия Федерацияси Стратегик ташаббуслар агентлиги бош директори Светлана Чупшева билан учрашув ўтказди.

Музокаралар давомида томонлар 2025 йил 8–9 октябрь кунлари Санкт-Петербург шаҳрида бўлиб ўтадиган Халқаро креатив иқтисодиёт конференциясига ўзбек делегациясининг тайёргарлиги ва иштирокини муҳокама қилдилар.

Учрашувда айниқса креатив саноат соҳасида Ўзбекистон ва Россия ўртасида ҳамкорликни ривожлантириш масаласига алоҳида эътибор қаратилди. Хусусан, ЮНЕСКОнинг халқаро тажрибаси ва стандартларини ҳисобга олган ҳолда креатив парклар, кластерлар ва шаҳарларни яратиш ва ривожлантириш имкониятлари кўриб чиқилди.