Тошкент, Ўзбекистон (UzDaily.uz) — Freedom House ташкилоти томонидан тузилган сиёсий ва фуқаролик эркинликлари рейтингида Ўзбекистон 100 дан 12 балл олди ва Марказий Осиё давлатлари орасида учинчи ўринни эгаллади.

Freedom House методологиясига кўра, Ўзбекистон ҳали ҳам "эркин бўлмаган давлатлар" қаторидан чиқмаган, бироқ унинг кўрсаткичлари йил сайин яхшиланмоқда. Масалан, 2020 йилда республика 10 балл тўплаган бўлса, 2017 йилда атиги 3 баллга эга эди.

Ташкилот таҳлилчилари Ўзбекистонда сиёсий ҳуқуқлар даражасини 2 балл, фуқаролик эркинликларини эса 10 балл деб баҳолади.

Марказий Осиё давлатлари орасида Ўзбекистон Тожикистон (5 балл) ва Туркманистонни (1 балл) ортда қолдирди. Шу билан бирга, Қозоғистон 23 балл тўплади.

Ҳудуддаги энг эркин мамлакат Қирғизистон бўлиб, у 26 балл олди. Бироқ 2020 йилда унинг кўрсаткичи 39 балл эди.

2025 йилда дунёдаги энг эркин давлатлар сифатида Финляндия, Норвегия, Янги Зеландия ва Швеция тан олинди. АҚШ 84 балл, Россия эса 12 балл олди.