ФИФА ЖЧ-2026 учун расмий ўйин тўпи Triondaни тақдим этди

Тошкент, Ўзбекистон (UzDaily.uz) — Adidas компанияси «Trionda» номли футбол бўйича 2026 йилги жаҳон чемпионати учун расмий тўпни тақдим этди.

«Trionda» номи испан тилидан таржима қилинганда “уч тўлқин” деган маънони англатади. Бу ном биринчи бор уч давлат – Канада, Мексика ва АҚШ – биргаликда мусобақани мезбонлик қилаётганини рамзий тарзда намойиш этади. Тўпнинг дизайни ва инновацион технологиялари мусобақанинг тарихий аҳамиятини ўзида мужассам этган.

ФИФА президенти Жанни Инфантино қуйидагича изоҳ берди: «ФИФА Жаҳон Чемпионати-2026 учун расмий тўп – бу чинакам санъат асари! Мен «Trionda» тўпини тақдим этишдан хурсандман ва фахрланаман. «Adidas» яна бир бор рамзий ва технологик жиҳатдан мукаммал тўпни яратди – бу дизайн уч мезбон мамлакат – Канада, Мексика ва АҚШ – нинг бирдамлигини, иштиёқини ўзида ифода этади.»

Бу гўзал тўпнинг дарвозани тўрига бориб тушишини интиқлик билан кутяпман. Футбол байрами тобора яқинлашмоқда – ва тўп энди ҳаракатда!”

«Trionda» тўпининг ўзига хос хусусиятлари:

Ранглар уйғунлиги: Канада (қизил), Мексика (яшил) ва АҚШ (кўк) рангларидан илҳомланган.

Тўлқинли геометрик дизайн: Янги тўрт панелдан иборат шакл, тўлқин эффектларини акс эттирувчи чуқур чоклар орқали ҳаво ҳаракатида мукаммал барқарорликни таъминлайди.

ФИФА Жаҳон чемпионати кубогига ишора сифатида олтин безаклар ишлатилган.

Ёпишқоқликни оширувчи юзаки иконлар, айниқса нам ҳавода ўйин учун қулайликни таъминлайди. Унга 500 гертс частотадаги ҳаракат датчиги ўрнатилган. Бу технология тўпнинг ҳаракатини аниқ қайд этиб, VAR тизимига реал вақт режимида маълумот юборади, айниқса ноаниқ вазиятлар, жумладан офсайд ҳолатларини аниқлашда ёрдам беради.

Trionda уч мамлакат ва бутун дунё бўйлаб миллионлаб мухлисларни бирлаштирган бўлажак Жаҳон чемпионатининг асосий рамзи бўлади.