Фарғона вилоятида Хитой инвестори иштирокида гуллар плантациясини ташкил этиш лойиҳаси муҳокама қилинди

Тошкент, Ўзбекистон (UzDaily.uz) — Фарғона вилояти ҳокими Хайрулло Бозоров бугун хитойлик инвестор Цзян Сюэбо билан учрашув ўтказди. Учрашувда Фарғона туманида гуллар плантацияси ва агротуризмни йўлга қўйиш истиқболлари муҳокама қилинди.

"Shandong Haosen Flowers and Trees Co., Ltd" компанияси гулчилик соҳасида катта тажрибага эга бўлиб, вилоятимизда ушбу йўналишда инвестиция лойиҳасини амалга оширишни режалаштирмоқда. Лойиҳа доирасида гуллар плантациясини иссиқхона ва очиқ майдонларда ташкил этиш кўзда тутилган.

Вилоят ҳокими инвесторнинг таклифларини қўллаб-қувватлаб, ўзаро манфаатли ҳамкорликка тайёр эканини билдирди.