“Фарғона НҚИЗ” 2025 йилни сўмнинг мустаҳкамланиши фонида рекорд зарар билан якунлади

Тошкент, Ўзбекистон (UzDaily.uz) — “Фарғона нефтни қайта ишлаш заводи“ (ФНҚИЗ) 2025 йилни 538,1 млрд сўм миқдоридаги соф зарар билан якунлади. Таққослаш учун, 2024 йилда компания 220,0 млрд сўм соф фойда қайд этган эди.

Йиллик тушум 2,3 трлндан 1,9 трлн сўмгача камайди. Молиявий натижаларга валюта курслари фарқи сезиларли босим ўтказди: ушбу йўналишдаги даромадлар 501,2 млрддан 562,7 млрд сўмгача ўсиш кўрсатди, валюта курслари фарқидан кўрилган зарар эса 222,8 млрддан 1,3 трлн сўмга ошди.

Узоқ муддатли қарзлар 3,2 трлндан 3,3 трлн сўмга кўпайди, қисқа муддатли қарзлар эса 1,2 трлн сўм даражасида сақланиб қолди.

ФНҚИЗ 2022 йил май ойида хусусийлаштирилган эди: давлатнинг 100% улуши “Саноат Энергетика Гуруҳи“ (САНEГ) томонидан $100 млн эвазига сотиб олинган.

Битим доирасида инвестор, шунингдек, $380 млндан ортиқ инвестиция дастурини амалга ошириш мажбуриятини ҳам зиммасига олган.