Тошкент, Ўзбекистон (UzDaily.uz) — Европа тикланиш ва тараққиёт банки (ЕТТБ) "Ҳудудий иқтисодий истиқболлар" ҳисоботига кўра, 2025 йилда Ўзбекистон иқтисодиёти 6% га ўсади.

Банк маълумотларига кўра, 2024 йилда мамлакат ЯИМ 6,5% га ошди. Илгариги, сентябрь ойидаги прогнозда 6% ўсиш кутилган эди. 2025 йилда иқтисодий ўсиш 6% га секинлашиши ва 2026 йилда ҳам шу даражада сақланиши тахмин қилинмоқда.

ЕТТБ мутахассислари 2024 йилда иқтисодий ўсишга асосан хизматлар соҳасининг ривожланиши ҳисса қўшганини таъкидламоқда.

Инфляция 2024 йил ўртасида 10,6% га етиб, энг юқори нуқтага чиққан, бу эса энергетика ресурслари нархининг эркинлаштирилиши билан боғлиқ. Бироқ декабрда инфляция 9,8% гача тушган.

Умуман олганда, 2024 йилда Марказий Осиё иқтисодиётининг ўсиши 5,4% га секинлашган, 2023 йилда эса бу кўрсаткич 5,7% ни ташкил этган эди. Бу асосан Қозоғистоннинг кончилик соҳасидаги пасайиш ва Мўғулистондаги экстремал об-ҳаво шароитлари билан боғлиқ. 2025 йилда 5,7% га тезлашиш кутилмоқда, бироқ 2026 йилда ўсиш яна 5,2% гача секинлашиши прогноз қилинмоқда.