“Энг яхши ихтиро” номинацияси бўйича республика танлови ўтказиб борилади

Тошкент, Ўзбекистон (UzDaily.uz) — Ўзбекистон Президенти Шавкат Мирзиёев интеллектуал мулкни ривожлантириш ва тегишли жараёнларни рақамлаштириш бўйича янги чора-тадбирларни тасдиқлади, бу инновацияларнинг ҳуқуқий ҳимоясини кучайтириш ва бизнесни рағбатлантиришга қаратилган.

2026 йил 1 мартдан Тадбиркорларнинг барқарорлик рейтингини аниқлашда интеллектуал мулкка оид ҳуқуқбузарликлар учун суд томонидан жавобгарлик чоралари қўллангани рейтинг балларини камайтирувчи ҳамда товар белгилари, хизмат кўрсатиш белгиларига эга бўлиш қўшимча балл берувчи кўрсаткич ҳисобланади;

интеллектуал мулк объектларига доир муҳофаза ҳужжатлари (гувоҳнома, патент) дубликати тўлов асосида онлайн шаклда берилади.

Шунингдек, “Интеллектуал мулк соҳасини ривожлантиришга қўшган ҳиссаси учун” кўкрак нишонини таъсис этилади.

Интеллектуал мулк объектларини бошқариш бўйича қуйидагиларда олий маълумотли кадрлар тайёрлашни йўлга қўйилади:

2026/2027 ўқув йилидан – Ўзбекистон миллий университетида;

2029/2030 ўқув йилигача камида 4 та олий таълим муассасасида.

2026 йилдан ҳар йили “Энг яхши ихтиро”, “Энг яхши фойдали модель”, “Энг яхши саноат намунаси”, “Энг яхши ЭҲМ учун дастур ва маълумотлар базаси” ҳамда “Энг яхши селекция ютуғи” номинациялари бўйича республика танлови ўтказиб борилади.

Танловнинг ҳар бир номинацияси бўйича 1, 2 ва 3-ўрин ғолибларига БҲМнинг 150, 125 ва 100 баравари миқдорида мукофот пули берилади.