Тошкент, Ўзбекистон (UzDaily.uz) — Uzstanex компанияси Европа Иттифоқи санкциялар рўйхатига киритилди.

24 февраль куни Европа Иттифоқи Украинадаги ҳарбий низо бошланганининг уч йиллиги муносабати билан 16-санкциялар пакетини эълон қилди. Ушбу янгиланган рўйхатга Ўзбекистоннинг Uzstanex компанияси ҳам киритилган.

Uzstanex, Дмитрий Бойцовга тегишли бўлиб, механик ускуналарнинг улгуржи савдоси билан шуғулланади.

Аввалроқ, октябрь ойида бу компанияга нисбатан АҚШ санкциялари, ноябрда эса Буюк Британия санкциялари жорий қилинган эди.