«Довут-ота» ва «Тажен» назорат-ўтказиш пунктлари орқали ҳаракатланишга қўйилган чекловлар йил охиригача узайтирилди

Тошкент, Ўзбекистон (UzDaily.uz) — Ўзбекистон Божхона қўмитаси «Довут-ота» (Қорақалпоғистон) ва «Тажен» (Қозоғистон) чегара божхона постлари орқали ўтишга қўйилган чекловлар 31 декабрга қадар узайтирилганини маълум қилди.

Ушбу чора-тадбирлар жисмоний шахслар, енгил автомобиллар, автобуслар ва юк машиналари учун рухсат этилган максимал оғирлиги 3,5 тоннагача бўлган юк машиналарига тааллуқлидир. Бу чегарадан ошган автомобиллар учун ҳаракат очиқ қолади.

Чеклов муддатининг узайтирилиши мазкур ўтказиш пунктларида иккинчи босқич қурилиш ишлари, хусусан, маъмурий биноларда таъмирлаш ва йўл қопламаларини бетонлаш билан боғлиқ.

Йўловчилар учун қўшимча темир йўл қатнови ташкил этилди: Нукус-Бейнеу йўналишидаги поездлар Қорақалпоғистон ўтказиш пункти орқали ҳаракатланади.

Жорий йилнинг 1 февралидан уч ой муддатга постдан ўтишга чекловлар жорий этилган бўлса, кейинроқ 1 сентябргача uzaytirildi.Endi эса бу муддат яна узайтирилди.