Депутатлар давлат харидларини амалга оширишда шаффофлик ва зарурий назоратни таъминлаш чора-тадбирларини муҳокама қилдилар

Тошкент, Ўзбекистон (UzDaily.uz) —Мажлисда давлат харидлари соҳасидаги ҳуқуқбузарликларнинг олдини олишга қаратилган қонун лойиҳаси биринчи ўқишда консептуал жиҳатдан кўриб чиқилмоқда.

Лойиҳа билан Маъмурий жавобгарлик тўғрисидаги кодекснинг 175-8-моддасига комлекс экспертизадан ўтказилиши лозим бўлган давлат харидларини амалга ошириш бўйича тўғридан-тўғри шартномаларни комлекс экспертизадан ўтказишни таъминламаган мансабдор шахсларга нисбатан жавобгарликни белгилашга қаратилган қўшимчалар киритиш таклиф этилмоқда.

Муҳокамада депутатлар ҳозирги кунда давлат харидлари тўғрисидаги қонунчиликни бузиш, хусусан, давлат бюртмачилари томонидан харид ҳужжатларини ишлаб чиқиш, етказиб берувчиларга талабларни белгилаш, ҳужжатларни экспертизадан ўтказиш ва рақобат муҳитини таъминлаш ишларини амалга оширмасдан тўғридан тўғри шартномалар тузиш ҳолатлари учраб турганлигини салбий баҳоладилар.

Мажлисда давлат харидлари соҳасида тўғридан тўғри шартномаларни комплекс экспертизадан ўтказмаслик ҳолатларининг олдини олиш ҳамда бунга йўл қўйган мансабдор шахсларга нисбатан маъмурий жавобгарлик масалалари тартибга солинаётгани атрофлича муҳокама қилинди.

Депутатлар қайд этганидек, қонун лойиҳаси билан белгиланаётган нормалар давлат харидларини амалга ошириш жараёнида шаффофлик ва қонунийликни таъминлашга қаратилгани билан аҳамиятлидир.

Қонун лойиҳаси иккинчи ўқишда қабул қилинди.