Давлат харидларида 11,2 млрд сўмлик қонунбузарликлар аниқланди — чоралар кўрилди

Тошкент, Ўзбекистон (UzDaily.uz) — Рақобат қўмитасининг ҳудудий бошқармалари давлат харидлари соҳасида умумий қиймати 11,2 млрд сўмдан ортиқ қонунбузарликларни аниқлади.

Текширувлар Бухоро, Фарғона, Жиззах ва Навоий вилоятларини қамраб олди.

Масалан, Фарғона вилоятида соғлиқни сақлаш бошқармасида қарийб 8 млрд сўмлик олтита қонунбузарлик, Бухоро вилоятида 500 млн сўмдан ортик битта ҳолат, Жиззах вилоятида умумий қиймати 900 млн сўмдан зиёд бўлган бир нечта ҳолат, Навоий вилоятида эса 1,8 млрд сўмга яқин ҳажмда саккизта қонунбузарлик қайд этилди.

Аниқланган хатти-ҳаракатлар «Рақобат тўғрисида»ги қонуннинг 29-моддасига мувофиқ рақобатни чекловчи ёки чеклашга олиб келиши мумкин бўлган ҳолатлар сифатида баҳоланди.

Қоидабузарларга нисбатан чоралар кўрилди ва мижозларга келажакда шунга ўхшаш ҳодисаларнинг олдини олиш бўйича тавсиялар берилди.

Давлат харидлари устидан назорат маблағлар шаффоф сарфланишини таъминлаш ва тадбиркорлар учун тенг шарт-шароит яратишга қаратилган.