Тошкент, Ўзбекистон (UzDaily.uz) — Ўзбекистон Республикаси Ташқи ишлар вазири Бахтиёр Саидов Грузиянинг Ўзбекистондаги янги тайинланган Фавқулодда ва Мухтор Элчиси Давид Котариани қабул қилди.

Учрашув давомида Ташқи ишлар вазири элчидан ишонч ёрлиқларининг нусхасини қабул қилиб, уни янги лавозими билан табриклади.

Музокаралар икки томонлама муносабатларни ривожлантириш истиқболларига қаратилган бўлиб, икки давлат ўртасидаги ҳамкорликни янада мустаҳкамлашга кўмаклашувчи асосий йўналишлар муҳокама қилинди.

Бахтиёр Саидов Ўзбекистон Ташқи ишлар вазирлиги жаноб Котарианинг дипломатик миссиясини муваффақиятли амалга оширишида ҳар томонлама кўмак беришга тайёр эканлигини таъкидлади.