Contact Finance 3 млрд сўмлик облигацияларини жойлаштиради

Тошкент, Ўзбекистон (UzDaily.uz) — Contact Finance микромолия ташкилоти 3 млрд сўмлик корпоратив облигацияларни жойлаштиришни режалаштирмоқда.

Компания ҳар бири 100 минг сўм номиналига эга 30 мингта облигация чиқаришни рўйхатдан ўтказди. Жойлаштириш очиқ обуна орқали амалга оширилади.

Эмиссиянинг умумий қиймати 3 млрд сўмни ташкил этади.

Эслатиб ўтамиз, 2024 йил август ойида Марказий банк Contact Finance МЧЖни микромолия ташкилоти сифатида рўйхатдан ўтказган эди.