Тошкент, Ўзбекистон (UzDaily.uz) — Чирчиқ шаҳрида 240 ўринли янги давлат боғчаси — 14-сонли МТТ фаолият бошлади. 4 миллиард сўм маблағ эвазига замонавий кўринишга келтирилди. Боғча Хитойнинг илғор педагогик тажрибаси асосида ташкил этилган.

Боғчада СТEМ, ахборот технологиялари, ўйин асосида таълим, ижодий фикрлаш ва жамоавий ишлашга, қўл меҳнатига алоҳида эътибор қаратилган. Хитойда бу усуллар ёрдамида болаларни эрта ёшдан ривожлантириш йўлига катта аҳамият берилади.

Айтиш мумкин, Чирчиқда жами 61 та МТТ фаолият юритади, 3–7 ёшли 9880 боланинг 84,6 фоизи мактабгача таълим билан қамраб олинган. Янги боғча ушбу кўрсаткични янада оширишга хизмат қилади.