Тошкент, Ўзбекистон (UzDaily.uz) — Чирчиқ шаҳрида жанжалдан сўнг бир эркак вафот этди. Бу ҳақда Тошкент вилояти ИИББ матбуот хизмати хабар берди.

Ижтимоий тармоқларда тарқалган маълумотларга кўра, марҳумнинг онаси ўғли аёлни ҳимоя қилгани, лекин оғир жароҳат олиб, комага тушгани ва вафот этгани ҳақида маълум қилган.

ИИББ маълумотига кўра, воқеа 5 март куни рўй берган бўлиб, у алкоголь савдоси бўйича икки эркак ўртасидаги низо билан боғлиқ бўлган. Натижада жанжал иштирокчиларидан бири оғир жароҳат олиб, кейинроқ касалхонада вафот этган.

Ушбу ҳолат юзасидан Ўзбекистон Республикаси Жиноят кодексининг 104-моддаси 3-қисми «д» банди («Қасддан тан жароҳати етказиш, жабрланувчининг ўлимига сабаб бўлган ҳолда») бўйича жиноий иш қўзғатилган. Айбланувчи 7 март куни қўлга олинган бўлиб, суд унга қамоққа олиш тарзидаги эҳтиёт чорасини белгилаган.

ИИББ фуқароларни тасдиқланмаган маълумотларни тарқатишдан тийилишга чақирди.