«Чирчиқ» технопаркида Олий муҳандислик мактабининг очилиш маросими бўлиб ўтди

Тошкент, Ўзбекистон (UzDaily.uz) — «Чирчиқ» кимё-индустриал технопаркида муҳим воқеа - Тошкент кимё-технология институти (ТКТИ) «Интеллектуал кимё-технология тизимлари» Олий муҳандислик мактабининг тантанали очилиш маросими бўлиб ўтди, шунингдек, маросим доирасида ТКТИ ва технопарк ўртасида ҳамкорлик тўғрисида меморандум имзоланди.

Бу воқеа «Тармоқ - корхона - ОТМ» моделининг амалий татбиғи бўлиб, замонавий кимё саноати учун зарур бўлган юқори малакали муҳандис кадрларни тайёрлаш бўйича салоҳиятли кластерни ташкил этади.

Технопарк директори ўз нутқида: «Тошкент кимё-технология институти билан ҳамкорлик академик билимлар ва саноат ўртасидаги кўприкдир.

Биз муҳандислик таълимининг халқаро стандартларини етакчи ишлаб чиқариш корхоналари тажрибаси билан уйғунлаштирилган ноёб таълим муҳитини яратмоқдамиз» дея таъкидлади.

Технопаркда Олий муҳандислик мактабининг очилиши кимё саноати келажаги учун стратегик инвестиция ҳамда назариядан амалиётга ўтишдир. Бу реал технологик масалаларни ечишга тайёр мутахассисларни тайёрлаш имконини беради.