Тошкент, Ўзбекистон (UzDaily.uz) — Ўзбекистоннинг Centrum Air авиакомпанияси 2 октябрдан бошлаб Тошкент билан Копенгаген ўртасида тўғридан-тўғри авиақатновни очади. Компания учун бу Европага қаратилган илк йўналиш бўлади.

Парвозлар ҳафтанинг сешанба ва пайшанба кунлари амалга оширилади. Материал чоп этилган вақтда чипта нархи $279 дан бошланмоқда.

«Centrum Air Даниядан учадиган йўловчиларга Тошкент орқали қулай транзит йўналишларни таклиф этади: Бангкок, Сеул, Гуанчжоу, Пхукет, Тель-Авив, Олмаота, Душанбе, Бишкек ва бошқа шаҳарлар», — дейилади авиакомпания хабарида.

Янги йўналишнинг очилиши Копенгагенни компаниянинг йўналишлар тармоғига қўшиш ва Тошкентнинг минтақавий авиаҳаўб сифатидаги позицияларини мустаҳкамлашга хизмат қилади.

Компания, шунингдек, Европага парвозларни кенгайтириш режалари борлигини, жумладан Манчестер, Франкфурт, Мадрид, Барселона ва Римга рейслар очишни мўлжаллаётганини маълум қилди.